Springe zum Hauptinhalt

Operation von Bacardi

Organisiert für Bacardi

Liebi Wohltäterinnä und Wohltäter

 

Mir schuldä öich ungloublech grossä Dank! Niemaus hätti mir dermit grächnet überhoupt Spändä z erhaute. Dank öich isch dr Betrag wo nach dr Ahzahlig vo üs no übrigblibbä isch beglichä. Das nimmt üs ä riesegi Lascht vo dä Schulterä. Mit em Gedankä das dür Spändä ä Teu vor Ahzahlig wieder zu üs zrügg fliesst, hei mir üs nid wohl gfüäut. Desswägä entscheide mir üs derzuä, die Spändäaktion ah derä Steu z beändä.

 

Äs isch leider sehr umständlech dr Betrag direkt a Tierarzt z überwisä, deswägä landet är zersch uf mim private Konto u geit vo dert us närä uf diräktem Wäg zum Tierarzt. D Sitä bhautet 4% vo dä Spändä und da die in Euro si und i ou ni genau weiss vie viu de uf mim Konto ahchunnt, wirde ig öich Bilder vo dä Transaktione hie ufä ladä. 

 

Zue däm möchti ig öich bittä, mir per Mail öichi Adrässenä ahzgäh dermit ig öich äs chlyses Merci cha schicke. I würd öich de per Mail ou äs Biud vor Rächnig zuesteue, dermit dir ou mit Sicherheit wüsst das hie aues mit rächte Ding zue und här geit.

 

michelle-97 (at) gmx.ch

 

Merci, vo ganzem Härzä !

 

 

 

 

Liebi Fründä, Familiä und Bekannti

 

Üsä Bägu (Geb. 16.09.2018) isch am Mittwuchabä (11.09.2019)  usem Fänster gheit u hed säch derby ä Chnochäbruch und ä Lungäpneumothorax zuäzogä. 

 

Är isch am Fritimorgä (13.09.2019) operiert wordä und hed aues guet überstange. Da isch üs scho mau ä riesige Stei vom Härzä gheit! Und am Tag druf, am Samsti (14.09.2019) hei mir ihn de ou chönnä mit hei näh.

 

Mir hei jetzä hüt (17.09.2019) ou ändlech die definitivi Rächnig vom Tierarzt erhaute. D Operation, d Medikation, dr Ufenthalt mit auem drum u drah chunnt uf 3'447.50 Fr. 

 

Merci viu Mau ah aui wo üs so tatchräftig ungerstützä! Da cha mä garnid gnueg Merci sägä! Mir würdä üsi Wohltäterinne und Wohltäter ou sehr gärn würdigä, uf weli Art und Wis isch üs aber no gad ni klar. 

 

Bacardi und sini Schwost, d' Honey, sini Dosäöffner Michelle und Fabio

Organisiert von

Michelle Josefa Meyer